Arddangosiad e-Lyfrgell GIG Cymru (Medi 2021)
Archwilio Llesiant ac Urddas yn yr e-adnoddau cenedlaethol.
Bydd y digwyddiad rhithwir hwn yn arddangos y dystiolaeth helaeth sydd ar gael i staff GIG Cymru a defnyddwyr eraill e-Lyfrgell Iechyd GIG Cymru.
Ymunwch ag e-Lyfrgell GIG Cymru wrth i ni archwilio pynciau heriol mewn cyd-destun iechyd a gofal.
Nod y sesiynau yw grymuso holl staff GIG Cymru a defnyddwyr eraill yr e-Lyfrgell i ddefnyddio’r dystiolaeth sydd ar gael er mwyn helpu i fynd i’r afael â’r pynciau heriol hyn.
Beth yw arddangosiad yr e-Lyfrgell?
Mae’n ddigwyddiad rhithwir (ar MS Teams) wedi’i drefnu ar gyfer y diwrnod cyfan gyda ffocws penodol ar bynciau llesiant ac urddas yn yr achos hwn, sy’n effeithio ar iechyd a gofal. Gallwch ddewis mynd i unrhyw un neu bob un o’r digwyddiadau. Edrychwch ar y rhaglen yma
Sut mae’r arddangosiad yn gweithio?
Cymerwch olwg ar raglen y dydd a dewiswch i ba ddigwyddiadau yr hoffech dderbyn gwahoddiad cyfarfod. cofrestrwch yma
Mae’r holl sesiynau yn cael eu recordio, felly os yw’ch calendr prysur o ymrwymiadau yn golygu na allwch ymuno, peidiwch â phoeni, achos trwy gofrestru eich diddordeb, byddwch yn derbyn copi o’r recordiad os na allwch fynd i’r digwyddiad.
A ydy hwn yn addas i mi?
Ydych chi am wybod rhagor am adnoddau ar gyfer pynciau llesiant ac urddas sydd wedi’u hanelu at ofal cleifion, ymchwil neu newid gwasanaeth, neu a oes gennych ddiddordeb mewn archwilio’r pynciau hyn yn y gweithlu cyffredinol?
Os felly, ydy! Mae’r arddangosiad hwn yn addas i chi!
Peidiwch â phoeni os nad ydych wedi defnyddio’r e-Lyfrgell o’r blaen (neu os nad ydych wedi clywed amdanom) – byddwn yn eich tywys o gwmpas ein gofod rhithwir, felly nawr yw’r amser perffaith i ymuno.