Bydd gan fynediad e-Lyfrgell GIG Cymru i CINAHL gyda Thestun Llawn ryngwyneb defnyddiwr (UI) newydd o 18 Mehefin 2026.
O fis Mehefin 2026 ymlaen, bydd gan ddefnyddwyr fynediad at y fersiynau 'clasurol' a 'newydd', gan roi amser i addasu i'r system newydd. Noder, os oes gennych gyfrif personol presennol ac unrhyw chwiliadau wedi'u cadw, bydd y rhain ar gael yn awtomatig yn y rhyngwyneb defnyddiwr newydd ac nid oes angen i chi ail-greu chwiliadau wedi'u cadw. Bydd mynediad at y fersiwn glasurol yn dod i ben ar 14 Gorffennaf 2026.
Beth yw'r rhyngwyneb defnyddiwr CINAHL newydd?
Mae llawer o sefydliadau academaidd ledled y byd eisoes wedi symud i'r rhyngwyneb newydd. Gan gydnabod gofynion chwilio clinigol a systematig, mae'r platfform wedi'i ddatblygu i fodloni'r dulliau trylwyr a ddefnyddir mewn lleoliadau iechyd a gofal. Fel system ddeinamig, bydd yn cael ei diweddaru'n rheolaidd gyda nodweddion newydd i wella'r profiad chwilio.
“Canllaw Cychwyn Cyflym” gan Ebsco
Pryd fydda i'n sylwi ar newidiadau?
Ar 18 Mehefin 2026, bydd mynediad i'r rhyngwyneb defnyddiwr newydd yn cael ei ymestyn i holl ddefnyddwyr e-Lyfrgell GIG Cymru. Bydd cyfnod pontio lle bydd y ddwy system yn rhedeg ochr yn ochr.
Pa hyfforddiant sydd wedi'i gynllunio?
Byddwn yn blaenoriaethu hyfforddiant i ddechrau ar gyfer defnyddwyr CINAHL mynych a fyddai'n elwa o gefnogaeth ychwanegol yn ystod y cyfnod pontio. Cynigir gwe-seminarau cyflwyniadol pellach ar CINAHL gyda Thestun Llawn yn y misoedd dilynol.
Calendr e-Lyfrgell - e-Lyfrgell ar gyfer Iechyd neu e-bostiwch elibrary@wales.nhs.uk i ofyn am gael y wybodaeth ddiweddaraf am sesiynau hyfforddi yn y dyfodol.
Dywedoch chi "deinamig," beth mae hynny'n ei olygu?
Mae llawer o'n cyflenwyr yn symud i lwyfannau sy'n cael eu diweddaru a'u datblygu'n amlach, felly gall defnyddwyr sylwi ar newidiadau dros amser. Gofynnwn i bob cyflenwr roi o leiaf chwe wythnos o rybudd i'r e-Lyfrgell o ddiweddariadau mawr ac i ddarparu hyfforddiant priodol. Gallwch gael gwybod am newidiadau a chyfleoedd hyfforddi sydd ar ddod drwy ymuno â rhestr bostio hyfforddiant a digwyddiadau'r e-Lyfrgell.
Dydw i erioed wedi defnyddio CINAHL llawer o'r blaen, a fydda i'n sylwi ar wahaniaeth?
Mae'r platfform newydd wedi'i gynllunio i gefnogi gwelliannau modern a darparu profiad defnyddiwr cyffredinol gwell. Os oes gennych syniadau neu os ydych chi'n sylwi ar feysydd lle gellid gwella'r platfform, mae'r datblygwyr yn croesawu adborth. Mae croeso mawr i chi hefyd rannu eich sylwadau neu awgrymiadau drwy e-bostio elibrary@wales.nhs.uk .
“diolch yn fawr iawn”
Mae e-Lyfrgell GIG Cymru wedi gweithio'n agos gydag arbenigwyr chwili ar draws GIG Cymru sy'n defnyddio CINAHL yn rheolaidd ac wedi bod yn rhan weithredol o brofi'r system newydd dros y flwyddyn ddiwethaf. Mae eu harbenigedd a'u hadborth wedi bod yn amhrisiadwy, gan helpu datblygwyr i nodi gwelliannau allweddol i sicrhau bod y platfform yn hygyrch, yn reddfol, ac yn meithrin hyder i ddefnyddwyr o bob lefel profiad.
Hoffem ddiolch yn ddiffuant i’r holl gydweithwyr sydd wedi cyfrannu drwy gydol y broses hon ac sydd wedi gweithio mewn partneriaeth â’r tîm datblygu i wella profiad y defnyddiwr, gyda anghenion gweithwyr gofal iechyd a gweithwyr proffesiynol a defnyddwyr GIG Cymru yn flaenoriaeth.