Mae BJN Inform bellach ar gael drwy e-Lyfrgell GIG Cymru.
O 1 Ebrill 2026, gall holl ddefnyddwyr e-Lyfrgell GIG Cymru gael mynediad at BJN Inform, a ddarperir gan y cyhoeddwyr Mark Allen Group.
Beth yw BJN Inform?
Mae'n blatfform dysgu ar-lein, wedi'i gynllunio i gefnogi gweithwyr nyrsio proffesiynol ar bynciau clinigol, proffesiynol a llesiant. Gellir ei ddefnyddio i olrhain eich DPP ar ac oddi ar y platfform i gefnogi ail-ddilysu.
A yw'n berthnasol i nyrsys yn unig?
Mae BJN Inform wedi'i anelu at broffesiynau Nyrsio, fodd bynnag fe welwch hefyd bynciau anghlinigol i gefnogi llesiant, gwydnwch, a meysydd rhyngddisgyblaethol eraill ar gyfer Iechyd a Gofal Cymdeithasol.
Sut ydw i'n cael mynediad?
Yn union fel ein hadnoddau e-ddysgu eraill, gallwch ddefnyddio eich cyfeiriad e-bost a chyfrinair GIG Cymru neu gyfrif OpenAthens. Bydd hyn yn creu proffil personol fel y gallwch olrhain eich cynnydd a manteisio ar nodweddion personol sydd ar gael.
Ddim yn siŵr sut i sefydlu neu actifadu eich cyfrif OpenAthens?
Ewch i'n Tudalen Mewngofnodi am ganllawiau sy'n berthnasol i chi.