Erbyn hyn, gall gweithwyr cymdeithasol a rheolwyr gofal cymdeithasol yng Nghymru defnyddio adnoddau ansawdd uchel e-Lyfrgell GIG Cymru
Ionawr 2023
Erbyn hyn, gall gweithwyr cymdeithasol a rheolwyr gofal cymdeithasol yng Nghymru defnyddio adnoddau ansawdd uchel e-Lyfrgell GIG Cymru
Am y tro cyntaf, gall gweithwyr cymdeithasol a rheolwyr gofal cymdeithasol yng Nghymru ddefnyddio e-Lyfrgell GIG Cymru i gael mynediad at gasgliadau digidol o ansawdd uchel o e-gyfnodolion, e-lyfrau, canllawiau a chronfeydd data i gefnogi eu hymarfer.
Mae adnoddau’r e-Lyfrgell bellach ar gael i bron i 10,000 o bobl sy’n gweithio ym maes gofal cymdeithasol ledled Cymru, gan gynnwys gweithwyr cymdeithasol a rheolwyr, rheolwyr cartrefi gofal, rheolwyr gofal preswyl i blant, a rheolwyr gofal cartref.
Mae Charlotte Drury, Rheolwr Gwasanaeth ar gyfer Llesiant a Chymorth i Deuluoedd yng Nghyngor Sir Fynwy yn edrych ymlaen at gael defnyddio adnoddau’r e-Lyfrgell. Dywedodd: “Bydd cael cyfle i ddefnyddio ymchwil ddiweddar o fudd enfawr i sicrhau bod ymarfer yn parhau i fod yn berthnasol ac yn gyfredol.”
Daw’r cyfle newydd hwn fel rhan o waith cydweithredol parhaus gyda gweithwyr gofal cymdeithasol, ymchwilwyr, GIG Cymru a gwasanaethau llyfrgell Llywodraeth Cymru a Gofal Cymdeithasol Cymru. Trwy'r cydweithrediad hwn, mae'r casgliadau e-Lyfrgell wedi tyfu drwy ychwanegu deunydd pwnc gofal cymdeithasol newydd, gan gynnwys cronfeydd data, e-lyfrau ac e-gyfnodolion.
Mae'r e-Lyfrgell ar gael yn hawdd trwy gyfrif hunan-gofrestru ar gyfer gweithwyr cymdeithasol a rheolwyr gofal cymdeithasol, sydd bellach yn gallu mewngofnodi gan ddefnyddio dyfais a fferir ganddynt naill ai gartref, yn y gwaith, neu ble bynnag a phryd bynnag y bo angen.
I gael rhagor o wybodaeth, ewch i wefan yr e-lyfrgell neu cysylltwch â thîm e-lyfrgell elibrary@wales.nhs.uk