Cyflwyno The Maudsley Deprescribing Guidelines

Mae gan holl ddefnyddwyr awdurdodedig e-Lyfrgell GIG Cymru bellach fynediad i The Maudsley Deprescribing Guidelines  – adnodd cynhwysfawr a ddefnyddir i leihau neu stopio (dad-ragnodi) gwrthiselyddion, bensodiasepinau, gabapentinoidau a chyffuriau-z i gleifion yn ddiogel.

Mae’r adnodd newydd – sydd ar gael drwy dudalen Canllawiau e-Lyfrgell GIG yn ategu’r mynediad parhaus at at The Maudsley Prescribing Guidelines y bydd y 15^fed golygiad ohono yn cael ei gyhoeddi ym mis Ebrill 2025. 

Mae Maudsley Deprescribing Guidelines  yn rhoi arweiniad i glinigwyr trwy ddarparu gwybodaeth gynhwysfawr ac awdurdodol sy’n seiliedig ar dystiolaeth ar yr agwedd bwysig hon ar driniaeth, sy’n deillio o’r ymchwil a’r mewnwelediadau diweddaraf o ymarfer clinigol (gan gynnwys gan gleifion arbenigol). 

Mae Maudsley Deprescribing Guidelines  yn ymdrin â phynciau fel: 

• Pam a phryd i ddad-ragnodi gwrthiselyddion, bensodiasepinau, gabapentinoidau a chyffuriau-z

• Rhwystrau a galluogwyr i ddad-ragnodi, gan gynnwys dibyniaeth gorfforol, amgylchiadau cymdeithasol, a gwybodaeth am y broses terfynu 

• Gwahaniaethu rhwng symptomau diddyfnu – megis hwyliau gwael, gorbryder, methu cysgu ac amrywiaeth o symptomau corfforol – a symptomau’r anhwylder sylfaenol yr oedd y feddyginiaeth i fod i’w drin 

• Y gwahaniaeth rhwng dibyniaeth gorfforol a chaethiwed/anhwylder defnyddio sylweddau 

• Eglurhad pam a sut i weithredu tapro hyperbolig mewn ymarfer clinigol 

• Canllawiau penodol ar fformwleiddiadau meddyginiaethau a thechnegau ar gyfer gwneud gostyngiadau graddol, gan gynnwys defnyddio ffurfiau hylifol o feddyginiaeth, a dulliau eraill 

• Canllawiau cam wrth gam ar gyfer atal yn ddiogel yr holl wrth-iselyddion, bensodiasepinau, gabapentinoidau a chyffuriau-z a ddefnyddir yn gyffredin, gan gynnwys trefnau neu amserlenni tapro cyflym, cymedrol ac araf ar gyfer pob cyffur, a chanllawiau ar sut i deilwra’r rhain i unigolion 

• Datrys problemau a all godi wrth atal y meddyginiaethau hyn, gan gynnwys acathisia, symptomau diddyfnu, acíwt neu estynedig, ac ail bwl o salwch.

Gallwch hefyd ddod o hyd i e-adnoddau eraill ar wefan e-Lyfrgell GIG Cymru, gan gynnwys dolenni i gronfeydd data ac offer i gefnogi gwybodaeth am feddyginiaethau.  

Bydd tanysgrifiad i adnoddau yn gofyn i chi fewngofnodi gyda'ch cyfeiriad e-bost a chyfrinair GIG Cymru neu gyfrif OpenAthens GIG Cymru neu, os ydych ar un o wefannau GIG Cymru, mynediad ar unwaith trwy rwydwaith GIG Cymru.

A yw’r e-adnoddau yn cael effaith yn eich gwaith? Rhowch wybod i ni trwy rannu eich adborth