Adnoddau MI Rhad ac Am Ddim

Mae'r Electronic Medicines Compendium (eMC) yn cynnwys gwybodaeth gyfredol am feddyginiaethau sydd wedi'u trwyddedu yn y DU wedi'u gwirio a'u cymeradwyo gan Asiantaeth Rheoleiddio Meddyginiaethau a Chynhyrchion Gofal Iechyd y DU (MHRA) a'r Asiantaeth Meddyginiaethau Ewropeaidd (EMA). Mae'n cael ei redeg gan Datapharm Ltd. Nid yw eMC yn cwmpasu holl feddyginiaethau trwyddedig y DU gan y gall cwmnïau fferyllol ddewis peidio â chyhoeddi ar eMC, ond cânt eu cyhoeddi ar wefan yr awdurdod rheoleiddio perthnasol (MHRA/EMA).

Mae’r Asiantaeth Rheoleiddio Meddyginiaethau a Chynhyrchion Gofal Iechyd (MHRA) yn un o asiantaethau gweithredol yr Adran Iechyd a Gofal Cymdeithasol yn y Deyrnas Unedig sy’n gyfrifol am sicrhau bod meddyginiaethau a dyfeisiau meddygol yn gweithio a’u bod yn dderbyniol o ddiogel. Mae gan yr MHRA nifer o bwyllgorau cynghori annibynnol sy’n rhoi gwybodaeth ac arweiniad i Lywodraeth y DU ar reoleiddio meddyginiaethau a dyfeisiau meddygol.

Wedi'i gynllunio ar gyfer fferyllwyr ysbyty ar ddechrau eu gyrfaoedd, mae'r Medicines Learning Portal yn darparu adnoddau, cyngor ac arweiniad ar fynd i'r afael â phroblemau clinigol. Mae’n argymell ffynonellau gwybodaeth am feddyginiaethau, yn mynd i’r afael ag egwyddorion sylfaenol diogelwch meddyginiaethau ar gyfer meysydd pwnc allweddol, ac yn rhoi arweiniad i fferyllwyr ar sut i ddefnyddio eu barn broffesiynol. Efallai y bydd rhywfaint o gynnwys hefyd o ddiddordeb i dechnegwyr fferylliaeth ysbytai, fferyllwyr cymunedol, fferyllwyr gofal sylfaenol, a fferyllwyr sy'n dychwelyd i ymarfer ysbyty ar ôl seibiant gyrfa.

Mae’r Specialist Pharmacy Service (SPS) yn dîm o fferyllwyr, technegwyr fferyllol a staff cymorth, a gomisiynwyd gan GIG Lloegr, i ddarparu cyngor ac arweiniad arbenigol ar feddyginiaethau i’w defnyddio gan weithwyr gofal iechyd proffesiynol. Mae mynediad i rai adnoddau wedi'i gyfyngu i staff y GIG, ac felly anogir defnyddwyr i gofrestru ar gyfer cyfrif personol (RhS uchaf yr hafan) a mewngofnodi bob amser cyn chwilio am wybodaeth i gael budd llawn.

Mae Offer SPS yn arbennig o ddefnyddiol yn y pwynt gofal:

• Monitro cyffuriau

• Cyflenwi Meddyginiaethau

• Offeryn sefydlogrwydd Meddyginiaethau mewn Cymhorthion Cydymffurfio

• Offeryn sefydlogrwydd meddyginiaethau oergell

Gwefan yw TravelHealthPro sy'n cynnwys adnoddau iechyd teithio Canolfan a Rhwydwaith Iechyd Teithio Cenedlaethol y DU. Mae'n darparu gwybodaeth iechyd teithio gwlad-wrth-wlad gyda gwyliadwriaeth ddyddiol o achosion sy'n digwydd ledled y byd. Mae'r wefan yn cynnwys diweddariadau clinigol sy'n manylu ar ddigwyddiadau iechyd byd-eang pwysig a datblygiadau mewn meddygaeth teithio a deunydd gwybodaeth sy'n seiliedig ar dystiolaeth ar risgiau a chlefydau sy'n gysylltiedig â theithio.

Mae Cydbwyllgor Cynghori Proffesiynol Gwasanaethau Trallwyso Gwaed a Thrawsblannu Meinwe y Deyrnas Unedig (JPAC) yn darparu canllawiau ac adnoddau cynghori ar gyfer gwasanaethau trallwyso gwaed yn y DU.